close
過左一個很爽既禮拜日~
雖然曬到暈 但真係超ENJOY~
坐HOST FAMILY車一齊出去玩
第一站係BURG ELTZ
坐落於山中既一座城堡
行過去既途中貪婪地吸走D空氣 真係超級爽
第二站係唔記得左個地方 係萊恩河畔一個盛產葡萄酒既地方
山邊種滿左提子 真係超級壯觀~
不過淆底既我顯然唔會飲酒 最後都只係試左兩啖
之後就同我既HOST媽媽通山走咁影相 收獲甚豐
之後再去左UNKEL食晚飯
雖然個間都係WEINHAUS~
不過我繼續飲我既提子汁XDDDDDD
之後就搭車返屋企 再玩左陣卡GAME
然後返房做功課...十二點幾先訓...
所以今朝就死得轟烈LU~
六點幾起身呆滯呆到學校 之後就完全集中唔到LU...
聽住同學們不斷既討論 不斷咁聽唔明
慢慢就想恰眼訓...所以今日上堂就完住好似無上過咁
帶住少量VOCAB返屋企 精神狀態維持係低水平...
如何能在班上生存係一個好大既問題...唉...
全站熱搜
留言列表
2012 (1)